Talord

Talord er ei klassa av ord som stend for tal. Dei er skifte i tvo gruppor: grunntal som me tel med, og rekkjetal som fortel um rekkjefylgdi.

Grunntali vert stundom rekna for ei undergruppe av varaordi (eller determinativi), og rekkjetali kjem då under lagordi.

Grunntal

Grunntali segjer eitkvart um kor mange det er av ei mengd.

1–19 og tior

0	null (inkje, ingi)
1	éin – éi – eitt	11	elleve	10	tio, tie, ti
2	tvo (tvei – tvæ – tvau)	12	tolv	20	tjugo, tjuge
3	tri (– trjå – try)	13	trettan	30	tretti
4	fjore, fire	14	fjortan	40	fyrti
5	fem	15	femtan	50	femti
6	seks	16	sekstan	60	seksti
7	sjau, sju	17	sjauttan, sjautjan, syttan	70	sjautti, sytti
8	åtta, åtte	18	attan, atjan, åttjan	80	åtteti (åtti)
9	nio, nie, ni	19	nittan, nitjan	90	nitti

21–99 – ihopsette former

Tali millom 21 og 99, minder dei heile tietali, vert vanleg ihopsette soleîs:

21	éin og tjuge eller éin-og-tjuge
25	fem og tjuge
32	tvo og tretti
99	nie og nitti

Ein kann au setja deim i hop andre vegen: tjuge og éin osb.

Hundrad og tusund

For 100 vert namnordet (eit) hundrad nytta:

100	(eitt) hundrad
200	tvo hundrad
…	…
900	nie hundrad

For 1000 nyttar me sameleîs namnordet (eit, ei) tusund.

1 000	(eitt) tusund
2 000	tvo tusund
…	…
10 000	tie tusund
…	…
20 000	tjuge tusund
21 000	éin-og-tjuge tusund
100 000	(eitt) hundrad tusund
999 000	nie hundrad og nie-og-nitti tusund

Hundrad og tusund i årstal og dilikt

Tali millom 1000 og 10 000 kann lagast med berre hundrad i staden for tusund, serleg um det ikkje er eit rundt tal. Ved årstal og andre samanhang vert «… hundrad og …» ofte ikkje medteke.

1984	eitt tusund nie hundrad og fire-og-åtti	nittan (hundrad og) fire-og-åtti
2010	tvo tusund og tie	tjuge (hundrad og) tie
2020	tvo tusund og tjuge	tjuge (hundrad og) tjuge

Lùttal

Med lagordet halv og rekkjetali lagar ein halv-talord: halvannan (-onnor, -anna) = éin og ein halv; halvtridje = tvo og ein halv; osb.

For mindre partar nyttar ein rekkjetali saman med ‘-part’ (eller ‘-del’), soleîs at x/y = x Y-part(ar), der x og y er grunntal, og Y rekkjetalet som svarar til y. Døme: 3/4 = tri fjordepartar.

For sume småpartar finst det au andre ord:

1/3	ein tridjung
1/4	ein fjordung
1/6	ein séttung
1/8	ein åttung

Mengdeord

Mengdeord er ikkje talord, men namnord.

Ei fimt = ei mengd på fem

Ei sjaund = ei mengd på sjau (tyder au gravøl)

Ei niond ei mengd på nio

Ei tiond ei mengd på tio

Ei tylft = ei mengd på tolv

Eit tjug = ei mengd på tjuge

Rekkjetal

1	fyrste
2	andre
3	tridje
4	fjorde
5	femte
6	sétte
7	sjaunde, sjunde
8	åttande
9	niande, nionde
10	tiande, tionde
11	ellevte
12	tolvte
13	trettande
14	fjortande
15	femtande
16	sekstande
17	sjauttande, sjautjande, syttande
18	attande, atjande, åttjande
19	nittande, nitjande
20	tjugande, tjugonde