Paa Fjellet

På fjellet av Kristofer Janson

Hu hei! Kor er det vel friskt og lett

upp å fjellet, upp å fjellet!

Her leikar vinden i kåte sprett

upp å fjellet, upp å fjellet!

Og foten dansar, og augat lær,

og hjartat kveikjande hugnad fær

upp å fjellet, oppå fjellet.

Kom opp! kom opp frå den tronge dal,

upp å fjellet, upp å fjellet!

Her blæs ein blåster så frisk og sval

upp å fjellet, upp å fjellet.

Og lidi skin utav blomar full,

og soli drys alt sit fagre gull

upp å fjellet, upp å fjellet.

I dalen starvar du tung og heit,

kom på fjellet, kom på fjellet!

Kor fint her er, ikkje nokon veit,

her på fjellet, her på fjellet.

Ditt auga flyg yver nut og tind.

Det er, som flyg det i himlen inn

upp frå fjellet, upp frå fjellet.

Og når so soli til kvila gjeng

attum fjellet, attum fjellet.

då reida skuggarne upp si seng

attmed fjellet, attmed fjellet.

Då gidrar alt i ein strålestraum,

og hjartat sveiper seg inn i draum

upp å fjellet, upp å fjellet.