A-stomn

a-stomnar er namnet på sterke hannkynsord med mangtal på -ar og sterke inkjekynsord utan mangtalsending. Sume merkjer mangtal i inkjekyn ved u-ljodbrigde, som barn – born, og eldre vatn – votn, land – lond.

Døme: arm – armen – armar – armane; land – landet – land – landi; døme – dømet – døme – dømi.

Målsoga

I frumnorrønt skipar ein an-stomnar av hannkynsordi i reine a-, -ija-, ja- og wa-stomnar. I norrønt er desse kalla a-klassa etter endingi i akkusativ mangtal. Inkjekynsordi skipar ein i reine a-stomnar og ija-stomnar. I norrønt er a-stomnar kalla nullklassa av di bøygjingsending vantar i akkusativ mangtal. Reine a-stomnar er kalla rein nullklassa og ija-stomnar nullklassa med j-innskot.